خلها فالقلب تحرق مابقى..@@..عادتي ماشكي على غيري عناي

السلام عليكم ورحمة الله وبركاته ..


هايم ومهموم ومهتم
مسرح ومطننش ومفهي
كاتم في نفسه ...الين قال بس
عنده من الافكار والضغوط النفسية الى حد الدوخه
يمشي متطروخ في الشوارع
واحاينا شامخن هامته تقول ذا جبل مايهزه ريح
ولكن الي فالنفس فالنفس ....
البعض من اهل كتم الهموم ...
تلقاه وجه عابس ومكشر ولا وده يحاتسي ولا مخلوق
والثاني لاعابس ولا مكشر بس ماهو مرتاح وراعي ابتسامه ناشفه

يوجد انواع من الناس هذا حالهم ..
موب لانه انطوائي ابدا
او انه يكره الناس ولا يبي يخالطهم ابدا
بعضهم يعتبر شكوى الهم للغير نقص في الرجولة
بعضهم يعتبر ان الرجل يجب ان يشيل الهموم مثل شيل الجمال للحمول الثقيلة
بعضهم يعتبران شكوى الهم للغير لان الغير موب كفو ونقال علوم
كما قال الشاعر :
إن حكينا ندمنا وإن سكتنا قهر
بين قلبٍ عطيب وبين راس عنيد




بعضهم يعتبر ان الغير لما تفضفض له سد نفسك وزاد لك الهم همين

مثل ما قال الشاعر :
أدرا كلامي عن عدو وسفهـان
لزَازة المجلس وجيه الحصاني
للهرج ميدانٍ وللرمـي نيشـان
ومفتاح صندوق الضمير اللساني

والبعض ابدا ...لا هذا ولا ذاك
يكتمها في نفسه ...ليش ...لانه
ما يبغي يضيق صدر زوجته او محبوبته او عياله او امه او اخوانه ..
فيقول خلها بنفسي ...
لان ما احب اظهر لحبايبي الا كل ما يسر ...
وهذا برأيي اصدق الرجال وا اوفاهم ..وان كان خاطئا في تصرفه
او قد يكون مجبرا على ذلك وفائا منه وتقديرا لمن يحب

كما يقول الشاعر قديما
اضحك مع الي ضحك والهم طاويني....طية شنون العرب وان قطرو ماها

عموما يا اخوان ..
كتم الهوم امر مضر جدا جدا للصحة
والامر اخطر مما تتوقعون .......!!!
ان الهموم في العادة هي طاقة من الشحنات السلبية الغير مفيدة للانسان
وبقاؤها قد يضر على الجسم ويتحول المرض نفسي الى عضوي ..
وهذا الي اثبتته الابحاث ...مؤخرا ....بما لايدع مجالا للشك ..
وحتى اجدانا القديمين.....
يقولون منفقعه مرارتي من هم فلان
او طق فيه عرق براسه من القهر ..
اوجاه حموضه في معدته من كثر الهموم ..

حيث ان الهموم تتكدس في الجسم كشحنات موجبة وتكون مضرة
ولها تأثير عضوي كبير على اعضاء الجسم ....

اخوي اختي ان كنت من هؤلاء ...
فانتبه ..."""""وجدا اجدا انتبه
.ولكن الامر بسيط وغير مخيف كما يتصوره البعض
اولا في مجتمعنا الحالي الي اشتهرت به النغالة والمقاهر والحسد
اتركهم وخلهم يولون ...وواصلهم اذا كانو اقارب عشان الله
وبعدين ..خذلك كوب نسكافيه .....

ولاتدقق بالحيل وتشيل في نفسك من كلمة من هنا والا مناك
وهناك طرق روعه اخرى عشان تعمل للهموم الي انت كاتمها
امش ولف بالسياره كم لفه .
وتبي تستانس ...مشي وسعة صدر ..
السباحة من اروع طرد الهموم عن الجسم ...واسألو مجرب
المطافش بالماء يطرد الشحنات الموجبة والغير مفيد من الجسم
واذا كنت ماتقدر تشترك في نادي فيمدحون المغطس حق البيت ايضا يفي بالغرض ....!!!

والاحلى منها كلها ركعتين بوقار وفيها سجود لله ...بنية صادقة وابشر بما يسرك ..
عز الله انها تطهر الهموم من الروح تطهير

ودمتم باحلى سعادة .

ههههههههههههههههههههههههههه

تسلمين يا قلبي وربي موضوعك روعه اعجبني من جد

والله كلنا عندنا هموم قد شعر راسنا
هههههه

يعطيك العافيه

تحياتي وتقديري لك