شوية استفسارات عن القبول والمنحة

االسلام عليكم

اانا طالبة من جامعة الملك عبد العزيز خلصت السنة التحضيرية فيها ومعدلي كان حلو بس مانقبلت في طب الاسنان ( رغبتي الاولى )

فتوجهت للكليات الاهليه عندي شوية استفسارات

1/ هل التسجيل مازال مفتوح في كليات الفارابي ؟ لاني اتصلت على الرقم الموجود في موقعهم ومحد رد علي

يب مفتووح لو على حساابك وعلى منح الملك موجود لسى يوم السبت كانو في بنات بيسجلو

واحسن لكي تروحي الكلية بنفسك انا الرقم كان يديني مقفل ههه يعني مشي حالك فالمكالمات


2/ قريت هنا في المنتدى منح الموارد البشرية هل هي نفسها المنح الداخليه اللي يتم التسجيل فيها عن طريق موقع وزارة التعليم العالي ؟

هيا نفسس الفكره بس الموارد بدون تجديد واالداخليه بتجديد كل سنه يعني كلها منحة من المللك الله يحفظو ويحميه

بس التسجيل مايكون فيها عن طريق وزارة التعليم (الموارد البشريه)


/ هل المنح الداخليه فيها مكافأة شهريه ؟

نو لا الموارد ولا الداخليه كلها بدون مكافأه ....
4 / ماهي رسوم التسجيل في الجامعه وبما إني خلصت السنه التأسيسية في جامعة الملك عبد العزيز فهل رح يتم معادلتي أو في اختبار اختبره واذا كان فيه فكم رسومه وأي معلومات عنه الله يجزاكم خير

رسوم التسجيل 3 الاف غير مسترده وماديكي تعادلي المواد بشرط انك تروحي لجامعة الملك عبدالعزيز وتاخدي انك درستي وترجعي للكلية وهما راح يقولولك ايش تسوي والرسوم
واحتمال يخلوكي تختبري بس مع السنه الاولى عشان تجتازي الباقي دا على حسب علمي بس نصيحه مني رووحي للكلية باوراقك ومعدلك وكلو

وبما انك بتعادلي الحقي دحين عشان منحة الملك لانها تقفل 27
وبما إنكم طلاب وطالبات هذه الكلية فابغى اسألكم بصراحة ايش الافضل الفارابي ام البترجي "؟

انا لسى مادرست وبصراحا انا معجبة جدن في كلية الفارابي فا شهادتي فيها مجروحه

في بنات اعرفهم كتير فالبترجي ربع يمدحو وتلاته ارباع يسبو لانها اكتر كلية مادية في جده

وانتي استخيري اكتر من مرا وربي يخترلك الاصلح


دعوآتك

اذا محتاره بين البترجي والفارابي استخيري ..
وانا اشوف البترجي افضل بمراحل $$:

شووفي استخرتي صصصح و رحتي للفارابي يمكن ربي مو رايدلك هيا

روحي للبترجي سجلي لو في منحة الموارد

بسس لو في المنحة يعني اضمني نفسك

خدي صور من الشهاده وقدمي هناكك بس مدري اخاف يشوفو اسمك فالاتنين يلغوها

انتي استخيري ولو شوفتي فالبترجي اتيسرت الامور فاكيد انها هيا الخير لكي


بس خليها فاليومين دي عشان تلحقي كمان تقدمي للملك


بس انتي قلتي بتعادلي مواد والموارد البشريه مافيها يعني لازم تكوني مستجده

حتي منح الوزاره لازم تكوني مستجده او درستي فصل في كليه ماينفع تعادلي مواد

انا اشوف كملي في عزوز واستني خبر من الفارابي

لان البترجي شفتي كيف انتشر عنها بالجرايد عدد الرسوب ومشاكل اللي صارت كليه مرره لا

يعطيكم العافيه



بانتظر واشوف اش يصير



جزاكم الله خير